ແວ່ນອັດສະຣິຍະສາມາດປະເມີນພະຍາດໄດ້ຈາກໃບໜ້າ
ຈະເປັນການດີບໍ່ໜ້ອຍຖ້າເຮົາແຍງແວ່ນແລ້ວ ສາມາດປະເມີນຄວາມສ່ຽງຂອງສຸຂະພາບຂອງຕົນໄດ້, ຖ້າຫາກພົບອາການຜິດປົກກະຕິ
ຈະໄດ້ຮູ້ຕົວ ແລະ ປິ່ນປົວໄດ້ແຕ່ທຳອິດ, ນີ້ຄືການປະດິດຄິດຄົ້ນຂອງ ແວ່ນ ອັດສະຣິຍະ (‘MagicMirror’) ສາມາດວັດແທກຊີບພະຈອນ
ຈາກການໄຫຼວຽນຂອງເລືອດຕາມໃບໜ້າ.
NuraLogix ຜູ້ຄົ້ນຄວ້າເປີດຕົວ Anura MagicMirror ແວ່ນອັດສະຣິຍະທີ່ມາພ້ອມກັບເຊນເຊີ ທີ່ເຮັດວຽກຮ່ວມກັບ AI ຊ່ວຍ
ກວດສອບຊີບພະຈອນຈາກການໄຫຼວຽນຂອງເລືອດຕາມໃບໜ້າ, ປະເມີນຄວາມສ່ຽງອາການເຈັບປ່ວຍເບື້ອງຕົ້ນ. MagicMirror ເປັນ
ແວ່ນຂະໜາດ 21,5 ນີ້ວ ພຽງແຕ່ເອົາໃບໜ້າໄປແຍງໃສ່ພຽງແຕ່ 30 ວິນາທີ ຈາກນັ້ນເຊນເຊີ ແລະ AI ຈະທຳການກວດສອບຈັບເສັ້ນເລືອດ
ຕາມໃບໜ້າ ພ້ອມກັບການວິເຄາະຂອງການໄຫຼວຽນ ເພື່ອວິເຄາະອອກມາເປັນຂໍ້ມູນສຸຂະພາບ ໂດຍໃຊ້ເຕັກໂນໂລຊີ Transdermal
Optical Imaging ໃນການກວດຈັບ.
ຜູ້ຄົ້ນຄວ້າເຜີຍຕື່ມວ່າ: MagicMirror ສາມາດກວດຄວາມດັນ, ອັດຕາການເຕັ້ນຂອງຫົວໃຈ, ສັນຍານຊີບພະຈອນ, ອັດຕາການຫາຍ
ໃຈ, ຈົນໄປເຖິງອາຍຸຂອງຜິວໜ້າ. ນອກຈາກນັ້ນຍັງປະເມີນຄວາມສ່ຽງຂອງພະຍາດເບົາຫວານ, ພະຍາດຫົວໃຈ, ພະຍາດຫຼອດເລືອດ, ຄວາມ
ດັນເລືອດສູງ, ພະຍາດໄຂມັນພອກຕັບ ຈົນໄປເຖິງການປະເມີນຄວາມເຄັ່ງຕຶງ ແລະ ອາການຊືມເສົ້າໄດ້.
ແຫຼ່ງທີ່ມາ: ໜັງສືພິມກອງທັບ
ວັນທີ 22/02/2024